مميزات برنامج الريفيت لكل التخصصات

مميزات برنامج الريفيت لكل التخصصات


كام مرة اشتريت حاجه جديدة و قريت الكتالوج 🙂 تخيل إن عندك مشكلة وإنت مش عارف إن حلها موجود.

و تفضل تعانى من المشكله و تهدر وقتك و مجهودك .
نفس المشكله فى مجال شغلنا , ممكن تكون فى ميزة فى البرنامج و احنا مش عارفين إنها موجوده.

أو فى برنامج مميز هيحل مشاكلك وإنت مش عارف. علشان كده جبنالك الموضوع ده , وهو مميزات برنامج الريفيت المشتركة لكل التخصصات .

1- العلاقات بين عناصر المشروع (Parametric modeling relationships)

الريفيت بيحتوى على عناصر كتير زى الأعمدة و الحوائط و البلاطات و داكت التكييف و غيرها.
العناصر دى بيكون فى بينها علاقة بتسمى Parametric سواء العلاقات جاهزة فى البرنامج أو المستخدم هو اللى بيحددها .
فى الفيديو مثال على النوعين :

بالتالى مش محتاج لمراجعة أى تعديل لأى عنصر فى المشروع.  و ده بيحافظ على التناسق بين كل رسومات المشروع.

2- توصيف الموديل (Annotation)

تقدر توصف عناصر المشروع بعد ماتعملها موديل Model. علشان تسهل قرائتها و تنفيذها و ده من خلال أكثر من أمر زى :
Dimensions, text notes, keynotes, tags, and symbols
التوصيف له ميزة إسمها WYSIWYG و ده إختصار لـ What you see is what you get.

يعنى اللى شايفة على الشاشة هو اللى هيتطبع وده بيسهل كتير فى التحكم فى شكل إخراج اللوحات.

3- الجداول (Schedules):

الجداول فى الريفيت هو رسمة (View) بتعرض معلومات وخصائص أى عنصر فى المشروع زى حصر الكميات وحساب التكلفة .
ميزة الجداول انها مربوطة بالموديل. يعنى أى تغير فى الموديل بينعكس على الجدول فى نفس اللحظة .

و كمان أقدر أغير فى خصائص أى عنصر من الجدول .
فى الفيديو مثال على الجداول و علاقتها بالموديل :

4- العمل كفريق (Worksharing)

فى المكاتب و الشركات بيكون فى أكثر من عضو فى فريق العمل. و كمان أكثر من فريق للتخصصات المختلفة .

ميزة الريفيت إنك تقدر تشتغل فى نفس المشروع و نفس الملف فى نفس اللحظه مع كل أعضاء المشروع .

و ده عن طريق ملف مركزى (Central Model) بيتجمع فيه كل الشغل . وده بدوره بيحسن التواصل ما بين كل الفريق و بيزود إنتاجية و سرعة المشروع .
worksharing

5- تبادل الملفات مع البرامج الاخرى (Interoperability)

بتشتغل مع مكاتب هندسية عندها برامج تانية ؟ مفيش مشكله , لإن الريفيت بيتبادل الملفات مع برامج كثير جدا و بأكثر من إمتداد سواء البرامج تابعة لشركة أوتوديسك أو شركات أخرى . كمان الريفيت بيعتمد إمتداد الـ IFC و هو أشهر إمتداد لتبادل الملفات بين برامج البيم المختلفة.

6- الإضافات(Add-ins) :

تقدر تكسر حدود استخدامك للريفيت عن طريق الإضافات (Add-ins) اللى موجودة فى Autodesk App Store و دى بتساعدك تخلص التاسكات المتكررة والمملة بسرعة كبيرة أو تعمل حاجات مش بتتعمل فى الريفيت . فى منها كتير مجانى و فى له تكلفة.

تعلم المزيد عن برنامج الريفيت مجانا  
X
%d مدونون معجبون بهذه: