ماهى تكنولوجيا البيم (BIM (Building Information Modeling ؟

ماهى تكنولوجيا البيم (BIM (Building Information Modeling ؟


تكنولوجيا البيم (BIM (Building Information Modeling هو التطور اللي الناس وصلتله فى مجال البناء و التشييد (AEC) .
اللي بيخليك تقدر تبني المبنى بتاعك افتراضيا على الكمبيوتر في صورة ديجيتال.
الصورة دي بتساعدك في التصميم بكل مراحله وتخلي عندك قدرة أكبر على التخيل والتحليل والتحكم بسهولة عن الطرق التانية.
بعد ما تنتهي منها بيكون عندك موديل (Model) بيحتوي على معلومات دقيقة عن المبنى وأجزاؤه.
من ضمنها كميات كل الخامات والمواد الموجودة فيه ،
الصورة دى هتساعدك في عملية إنشاء المبنى دا.
او حتى عمليات الشراء التصنيع الخاصة بيه علشان تنفذه فعليا.
تعالى فى البداية نعرف كنا فين زمان لحد ماوصلنا لتكنولوجيا البيم.

مراحل تطور الرسومات الهندسية:
ماهى لغة التواصل بين عناصر اى مشروع (Stakeholders) ؟
اى مشروع بيشترك فيه أكثر من عنصر مثل : الاستشارى – المصمم – المقاول – مهندس التنفيذ – العمال …الخ.
اللغة المشتركة بينهم هى الرسومات الهندسية مثل : المساقط الافقية – القطاعات – الواجهات …الخ.

ما هي الوسيلة المستخدمة لعمل هذه الرسومات (Design delivery) ؟
فى البداية كانت الوسيلة الموجوده هى الرسم المانيول عن طريق اللوحة و القلم و المسطرة ثم انظمة الكاد CAD Systems ثم البيم BIM.

ما هى عيوب مرحلة الرسومات اليدوية (Hand Drawings) ؟
هذه المرحلة لها العديد من العيوب مثل : دقة الرسم – السرعة – صعوبة التعديل – صعوبة النقل …الخ.

ماهى عيوب و مميزات مرحلة الكاد CAD ؟
عند اختراع الكومبيوتر تم تطوير طريقة اعداد الرسومات لتكون عن طريق الكمبيوتر ليظهر نظام CAD Computer Aided Design
و تم حل كثير من عيوب المرحلة السابقة (Hand Drawings) من دقة فى الرسم و سهولة فى التعديل و سرعة و غيرها .
ولكن ظلت مشكلتين أساسيتين هما : انفصال الرسومات Separate Drawings و عدم التنسيق بين التخصصات المختلفة Coordination.

لماذا تم التفكير فى تكنولوجيا البيم BIM ؟
الهدف الرئيسى من وراء تكنولوجيا البيم هو حل المشكلتين الأساسيتين الموجودين فى الكاد : انفصال الرسومات Separate Drawings وعدم التنسيق بين التخصصات المختلفة Coordination.
من الاخطاء الشائعة اللى بيقع فيها كتير من المهندسين او الشركات لما يحولوا من الكاد للبيم هو تفكيرهم ان السبب الرئيسى هو السرعة فى الاداء علشان كده بيصطدموا فى اول مشروع ان مش ده الهدف و بيحصل إحباط شديد و فى الغالب التراجع و العودة للكاد.

ماهى البيم BIM ؟
هى اختصار ل Building Information Modeling و تعنى ببساطة:
عمل نموذج ثلاثي الأبعاد 3D للمبنى عن طريق المعلومات.

ما هي المعلومات Information ؟
المعلومات الممكن اضافتها للمبنى كثيرة و منها :
الأبعاد Dimensions مثل الطول و العرض و الارتفاع
المواد Materials و تشمل شكل العنصر فى المساقط المختلفة و فى الاظهار Rendering و الخصائص الحرارية و غيرها
الوظيفة للعناصر Elements Function مثلا باب شباك فرش
سلوك العنصر Elements behavior يعنى مثلا الحوائط مع بعضها تبقى الكونكشن نضيفة , الباب ينزل على حائط و يفتح مكانه و هكذا.

ماهو الفرق الرئيسى بين اى مشروع كاد و اى مشروع بيم CAD VS BIM ؟
فى الكاد بنرسم البلانات و القطاعات و الواجهات و المناظير و جداول الحصر و كل اللوحات علشان يبقى اسمنا معانا مشروع كامل و لو حصل تعديل في التصميم لازم اغير فى كل اللوحات تانى.
فى البيم الموضوع مختلف و عكسى تماما احنا بنعمل موديل للمشروع و نركز ان يكون صح و بعد كده بتبقى اللوحات كلها عبارة عن نتيجة للموديل ده و لو حصل تعديل بيحصل مرة واحدة و يتعدل على طول فى باقى المساقط و اللوحات.

ماهى مميزات البيم BIM Benefits ؟
تطبيق البيم في المشاريع له مميزات كبيرة و منها :
1- قاعدة Change once change every where انك تعدل و تغير اى تغير مرة واحد بس.
2- كفاءة أعلى في التصميم لأنك بتركز على التصميم اكتر و بتشوفه 3D من المراحل الاولى.
3- تقليل الفقد و إعادة الشغل فى الموقع.
4- تحسين التنسيق Coordination بين التخصصات المختلفة.
5- خاصية Clash detection وهي إيجاد التعارض فى الموديل.
6- خاصية Worksharing و هى ان الفريق كله يشتغل فى نفس الموديل فى نفس الوقت.
7- الدقة و السرعة فى حساب الكميات و التكلفة Cost Estimation.

مزيد من التوضيح فى الفيديو :

فى النهاية كل الكلام هو نظرى . التطبيق العملى من خلال البرامج و أشهرهم فى الوطن العربى هو الريفيت من أوتوديسك.
ما هو برتامج الريفيت ؟
X
%d مدونون معجبون بهذه: